Daw pynman ka AHPUF ya ka yakop rwai tynre

Jowai: Ka Traditional Song Singing Competition namo ka yakob rwai tynre kawa hapoh ka Art and Cultural Cell ka All Hynniewtrep People United Front (AHPUF) daw pynman biang ya ka ha kani ka 25 tarik uni u bnai, ha Seiñraij Parking Lot, Old MTC Bus Stand, Iawmusiang, Jowai nadooh 10 waje i step.

Neiliang kiwa kitkaam ka seiñ da ong ki wa ka thong wa kongsan dooh wow pynman ya kani ka yakob toh wow pynyoo yei sñiawngooh wei burom ya kiwa rim, ki kñi ki pa kiwa da sai dei sñiawngooh wei chemphang wow saiñdur ya Riti ka Dustur, ka Niam ka Rukom wei i man kyrpang yong ki Khasi Jaiñtia.

Ya kani ka yakob da pynman chisien chi snem wei daw man ko leh kam ka yalang pynsniawthooh paidbah ya ka bri u Ynñiawtrep.

Ha kani ka yakop daw em leh ki bru wa stat wa chemphang wow klam hajrong ka Riti Dustur wei kammon u pynneh pynsah ya ka.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka yakob rwai ym chah wow chimbynta kitu kiwa rwai wa da pawnaam chwa tangwa ka seiñ daw elaad ko du ya kiwa dang sdang.

Ha kani ka yakob ki Prize man ki kamni hawah:

1^st Prize u man ko T. 8000.

2^nd Prize u man ko T.  5000.

3^rd Prize u man ko T. 2000.

4^th Prize u man ko T. 700.

5^th Prize u man ko T. 500.

Wa ki Consolation Prize.

Da pyntip wa ym em kawon kawon ka bai psiah namo ka bai Entry ha kani ka lympung.

Yeini da pyntip da u Jhon Phawa President wa u C.Sungoh Secretary ka seiñ.

Wow tip bniah ye u phone ha kini ki number: 8119018796/7085653952.

Also Read: Jop u Wankerfull Dkhar ya ka yakop rwai tynre wa ar yong ka AHPUF