Daw pynman ka Bengaluru FC ya ka Football Trial ha Shillong

Shillong: Ka Champion ka Indian Super League ka Bengaluru FC daw pynman ko ya ka Football Trial wa 4 sngi nadooh ka 01-05-19 yow jied ya ki khynnah wa em ka sap yalehbol kiwa em hapoh 13 snem (U-13) wa hapoh 15 snem (U-15) kawa neibynta ki chynrang ha madan ka MFA, Third Ground, Shillong.

Ka sngi nyngkong toh du neibynta wow pyndep ya ka Registration kiwa yalehke, kawa daw pynman nadooh 11:00 waje i step hadooh 5:00 waje i janmiet haka madan ka MFA. Ya ki Registration Form toh u chim nadooh mynstep ka 30 tarik na yung krehkaam ka Meghalaya Football Association kawa em ha madan ka Jawaharlal Nehru Stadium.

Nyngkong u pynman ya ka Preliminary Round Trial neibynta kiwa yalehke U-15 (kiwa kha nadooh u snem 2005 wa 2006) ka wow pynman haka 02-05-19 nadooh 11:00 waje i step hadooh 05:00 waje i janmiet.

Haka 03-05-19 daw pynman ya ka Preliminary Round Trial ya kiwa U-13 (kiwa kha nadooh u snem 2007 hadooh 2009) ka wow pynman nadooh 11:00 waje i step hadooh 05:00 waje i janmiet.

Related posts

District Cricket League: Jop ka Phramer ya ka Khliehtyrshi

May 10, 2025

District Cricket League: Jop ka Mupliang ya ka NEAU

May 9, 2025

Ya kitu kiwa chah khut hadien ki Preliminary Round daw chimbynta ki haka Final Round haka 04-05-19 kawa daw pynman nadooh 6:00 waje i step hadooh 12 waje pyrdi sngi.

Waroh ki Club, ki Academy wa ki Association da kyntu yow phah ki ya kiwa yalehke wa yoo biang dooh ki, kiwa em katkam ki rta wa da kdaw haneiñ.

Kiwa yalehke toh u rah ki ya ki Original School Photo ID, Original Aadhaar, ka Original waka Photocopy ka Birth Certificate yong ki heipor wa pynman ya ka Registration.

Ya ka yutip wa bniah ye u phone ha dkhot ka MFA, Ibaiahun Kurbah Ph.No 9436796417.