Jowai: Ka Football Academy of Meghalaya (FAM) kawa krehkaam na Jowai kawa man leh ka Club wa nyngkong na ri-loom Jaiñtia wow chimbynta haka Youth I-League ka AIFF daw pynman ko yaka Football Trails haka 6 tarik uni u bnai (January) 2020 ha Teilang Phawa Mini Stadium Dkhiah, East Jaiñtia Hills nadooh i por 9 waje i step.
Kani ka Winter Coaching Camp toh du ya ki chynrang wa em 9 snem hadooh 14 snem i rta. I thmu yong kani ka Trial toh wow pynchlur ya ki khynnah wow sdang ki wow yalehke Football wei wow maya leh ya kani ka yalehke wa miat yow tei yei doh i pran kamjooh leh ya i pyrkhat pyrdaiñ hawa yalehke kamjooh ha kiwi ki por.
Kiwa yalehke kiwa da lehbha na East Jaiñtia daw yoh ki yaka laad wow psiah cha ka Football Academy of Meghalaya heiwa daw em ka e sikai wa kyrpang namo ka Elite Football Coaching Program wei ka FAM daw e ko leh yaki ya ka laad wow yaleh pyrchah wa kiwa pawnaam dooh ki Club ha India deiwa chimbynta haka Hero Youth I-League ka All India Football Federation (AIFF) nadooh ka 2020-21 chakhmat.
Kamtæ da khut ya ki manbei manpa wow yah ki yaki khon yong ki kiwa na East Jaiñtia Hills ha katai ka sngi.
Yaka yutip wa bniah ye u phone ha kini ki number 8787750399, 9383143011.
Discussion about this post