January 5, 2020

Yoh kem drug wa chongdor T. 3 klur tam na khappood waka Myanmar

Advertisement ad1

Ki chipai ka 43 Assam Rifles (Samtal Warriors) da yoh kem drug Crystal Methamphetamine ki iwa chongdor T. 3.80 klur haka 2 tarik uni u bnai na khappood Indo-Myanmar, Border Pillar 78 heipor 9:00 waje i miet.

Katkam wa pyntip ki Assam Rifles, ki chipai yong ka na ka Chavangphai Outpost ka 43 Assam Rifles wa yahkhmat da u Major Rajiv kumar da pynman ki ya i uiñ sonteri ya u khappood waka Indo-Myanmar ha ka thaaiñ Moreh, Manipur haka 2 tarik heiwa heipor 9 waje i miet da yoo ki ya u bru wa ym tipmit wa suba toh u nong Myanmar uwa da pyrchang wow psiah chapoh India.

Manda wan ki chipai ka Assam Rifles wow yaklam wa oo da yut biang u cha Mynamar wei da haap kawi ka muna na oo.

Hawa wai ya kani ka muna da chem 5 tylli ki yusong wa suba toh em i drug Crystal Methamphetamine iwa tip da kiwa boon kam i ICE, wa khia 5.200 kg wei chongdor T. 3.80 klur.

Ya ini i drug da e kti cha ka Moreh Police Station yow leh ki ya iwa emkaam katkam ka aiñ.