Ka Iooksi Pyllun da rai ko wow pynman ya ka lehkmen ‘Advance Christmas & New Year Celebration’ haka 22 tarik uni u bnai ha madanbol ka Iooksi Kyanmynsar nadooh i por 5 waje chaneiñ.
Ha kani ka lehkmen daw em leh ka yalang pynskem wei pynkupburom ya kiwa yahkhmat ka Iooksi Pyllun, i pynlait paidbah ya i sur rwai snem thymme ka Iooksi Pyllun, i ah Cake Christmas, i e ya ka khubor Christmas na u Pastor E Sapuh, ka dih cha sñiawbha wei pynbood won da ki pynwyrngia na ki watem wa pawnaam ka jylla wa ki khynroo ka chnong.
Hajrong ini neiliang ka Iooksi Pyllun, da khut da wer ko ya ki paidbah wa chong chnong ka Iooksi Pyllun kiwa kynthup ya ki 5 tylli ki chnong kiwa em hapoh ka Iooksi Pyllun kam ka Iooksi Iapkhla, Iooksi Kyanmynsar, Iooksi Umdeinlin, Iooksi Priang wa Iooksi Tongkiad kiwa chong wa sah cha baar naka chnong wa kiwa em ha chnong leh wow sñiawbha ki u wan mih lang khrui neibynta wow pynchong chit pynchngaaiñ ya katai ka lehkmen.
