Daw pynman ka ITI Khliehriat ya ka Exhibition yow pynsñiawthooh ya ki jait sikai wa e

Kam chibynta wow pynsñiawthooh ya ki khynroo khyllood ka East Jaiñtia Hills District hajrong ki kaam wa e sikai namo ki Vocational Training kamjooh ki laad yoh khih wa i yarap na ki Scheme sorkar, neiliang u Vice-Principal ka Industrial Training Institute (ITI), East Jaintia Hills District deiwa ya krehlang wa ka yung krehkaam u Assistant Employment Officer, ka District Employment Exchange, Khliehriat daw pynman ki ya ka Awareness cum Exhibition Programme ha ka 14 tarik uni u bnai nadooh 11:00 waje i step ha pchem ka Industrial Training Institute (ITI) wa em ha yung krehkaam warim u DC ha Khliehriat.

Ha kani ka Exhibition daw pynyoo ya ki tiar ki tar wa daw tip u pynemkaam manda pyndep ya ki jait sikai wa e hapoh kani ka ITI wa kynthup ya ka Computer Operator and Programming Assistant (COPA), Wireman, Driver cum Mechanic (LMV), Surface Ornamentation Techniques (Embroidery) & Cosmetology.

Related posts

Khlem yoh u hiar madan tangwa chah kit ha ka Stretcher uwa yalehke ka England

July 6, 2026

Chah tooh ka muna wa em ka poisa Rs.1 lak, i ksiar wa ki kot ki sla wa emkaam | Kyntu ka tre wow pynyuiñ

July 6, 2026

Kamtæ da pynchlur ya ki khynroo khyllood wow wan cha kani ka Exhibition deiwa rahlang ya ka Aadhaar Card, ki dur Passport Size wa ka Passbooks yow Register syndon pyn ha kani ka sngi.