Ka Jaiñtia Fishing Environmental & Protection Association, West Jaiñtia Hills District Jowai daw pynman ko ya ka Fishing Competition ha ka 23-09-2023 ha ka wah Myntdu nadooh i por 6:00 waje i step hadooh 5:00 waje i janmiet.
I thaw toh nadooh Treiongriang Damser ter ter hadooh Khar Thymme Wah (ym chah u khwe ha Syntu Ksiar, Dieng Yirngam, Thaw Pachait) i dor ki Ticket toh Rs. 50 chi pyrsiej.
Ka First Prize- Rs 10,000
Second Prize- Rs 5000
Third Prize- Rs 3000
I thmu yong ka seiñ hawa pynman ya kani ka yakob khwe dakha toh wow pynmih poisa neibynta ki kaam ka seiñ kiwa dawa ya ka man-ka-sngi. Kamtæ hajrong ini dei mynsiem wa sñiawkhia da kyrpaad ya phi ki paralok parajor kiwa ka-it khwe kamjooh ki wym jooh em li khwe wow e bor e mynsien ya ka seiñ yong i khnang wa ki kaam yong ka seiñ yow man ki kiwa lai bait lai ryntih.
Da khang pyrchah leh wym hoi u khwe ha Syntu Ksiar Fish Sanctuary wei lada chem ya kiwa leh pyrchah da booh ya ka kuna kawa Rs. 50,000.
Ka Association da pyrkhat ko yeini i booh da ka kuna neibynta ki dakha yow neh ki ha ka wah Myntdu, khnang wa ki khon ki ksu u yoh ki u li khwe ha ka wah Myntdu.
Yow tip bniah yei phi wow Phone cha u President ka seiñ, u D.H Pde (8414024068) wa ha u General Secretary, u M. Challam (9863017027).
Ya ki Ticket wa da phah cha ki Member da kyrpaad wow pynuiñ chwa ka 23-09-2023.
Kiwa kwah u thied Ticket ye phi u yoh na ki dukan wa em ha kini ki dong ha Jowai:
- longpiah
- Tpep pale
- Dulong
- Lumkyrwiang
- Lumiongkjam
- Chilliangraij
- Ladthadlaboh
- Panaliar
Discussion about this post