Kam chibynta wow pynneh pynsah ya ka dustur riti u longchwa manchwa kamjooh leh wow e laad ya ki khon khnyroo khyllood wow pynyoo yei sap yong ki, neiliang ka Jaintia Career Coaching Centre (JCCC) daw pynman ko ya ‘2nd Jaiñtia Cultural Festival’ wa kynthup yei Chaad Tynre, i Rwai Tynre, ka Quiz, Cultural Poetry Recitation wa Cultural Drawing Competition ha ka 13 wa 14 tarik u March ha Moowamon Mihmyntdu hajan DTO Office Jowai.
Kani man ko ka sien ka wa ar wa da pynman da ka JCCC wei ha kani ka yakob ym emkaam u su bai psiah (Entry Fee), wei daw e leh da ka song poisa ya kiwa jop kiwa yoh nyngkong, wa ar wa kiwa yoh wa le ha kini ki yakob.
Neiliang u Assistant Centre Head, u B. Samayang da ong u wa kani man ko kam chibynta yong ka Extra Curriculum Activity neibynta kiwa lai puræ katkam ka NEP 2020 yow e laad ya ki khynnah wow pynyoo yei sap wei ye ki wow wanrah da ka dhab namo ka Group yong ki kamjooh dei yong ka chnong ka thaw leh.
Kiwa kwah u chimbynta ye phi u wan mih cha ka Office ka JCCC wa em ha Moowamon, Mihmyntdu mar pyrchah ka Office u DTO Jowai.
Discussion about this post