Ka Leimow United (LU) kawi na ki seiñ kawa pyrkhat jngai neibynta kammon wow pynku ya i sap yalehke ki khynroo ka thaaiñ Mowkaiaw Constituency, ha kani ka kynti da khut sñiawbha ko ya waroh ki khynroo kamjooh ki manpa wow chimbynta ha kani ka Tournament ka wow sdang nadooh 6 Thohlakhmi (February) 2021.
Ha kani ka Tournament darai wow pynman da ka 1st MCPL Cricket Tournament namo ka Mowkaiaw Constituency Premier League.
Kiwa chimbynta toh du kiwa sah hapoh u pood u ang ka Mowkaiaw Constituency.
Kiwon kiwon kiwa kwah u chimbynta ye ki wow e pyrtuid wei ka bai psiah u man ko 230 samen neibhah ka Committee yong ka Tournament da rai ko wow pynkhale ya ki pyrtuid heiwa u haap ki jar jiar ki Group kam ka Group A, Group B, Group C, kamtæ ter ter.
Ya kani ka Tournament u pynyaleh da ka Maruti Ball rong soo.
Ka LU daw e ko da ka poisa ya kiwa jop kamjooh ya kiwa rem ha ka Final wa kiwi ki Prize wei daw em leh ka Man of the Match ha man la ka yalehke da ka poisa.
Ka Committee darai ko wow pdiang nadooh ynne ya kiwon kiwon kiwa kwah chimbynta ha kani ka Tournament wow sñiawbha ki wow e pyrtuid kamjooh ya ka bai Entry.
Ka tarik wa khaddooh wow pdiang ya ki pyrtuid u man ko ha ka 2 Duyatra (February) 2021.
Ya kani ka Tournament u pynman da ka League ha ka sngi chuti wa ka Sngi Chohthah (Saturday).
Wow tip bniah ye u phone ha ki number hawah:
6909750730– E Dkhar, President LU
9615686180– D Tang, General Secretary LU
7005602213– B Shadap Secretary Tournament
9612930511– D Rymbai Asst. Secretary Tournament
