Khliehriat : Ka seiñ Southern Border Youth Welfare Association (SBYWA), yong ka thaiñ Elaka Rymbai wa Lakadong, East Jaiñtia Hills District Khliehriat, ha ka Central General Council kawa da dep pynman ha ka 12 tarik uni bnai, ka seiñ da rai ko u pynman da ka “One Day Football Knockout 2017” ha u Duyatra (Janaury) yong u snem thymme kam chibynta wow kyntu ya ka yarong poisa ka seiñ.
Ya kani ka lympung u pynman khamtam wow yoh yarap ya kiwa duk wa rangli ya kitu kiwa chem chitom ha liang ka eh ka khoo.
Kamtæ ka seiñ da khut da wær ko ya ki dhab yong ka thaiñ lada jngai na jan leh wow ya wan chimbynta ha kani ka lympung football kawa chisngi khnang wa i thmu yong ka seiñ yoh u man ki kiwa jop.
Da pyntip ka seiñ wa daw e leh ya ki prize ha final wa ya kiwa jop T. 10,000 wa ya kawa rem T. 6,000 & ka bai psiah toh T. 1500 kawi ka dhab.
Chooh chooh ka seiñ da pyntip ko leh wow chim ko du 12 dhab (team) donhi ha kani ka football chisngi, katwa kamtæ kiwon kiwon kiwa kwah chim bynta wow sñiawbha phone ha kini no : 8575937096, 8014225106 deiwa pynpoi bai psiah ha chwa ka 24 tarik Kmaichonglad (December) wei wa ya ka thaw pynman ya kani ka football daw pyntip won hadien ka Christmas.
Discussion about this post