Ka sorkar Meghalaya ha ka yalang ki Montri sorkar namo ka Cabinet Meeting da mynjur ko wow pynman noh da ka hi ya ki Departmental Examinations, 2022. Nachwa ya ini da leh da ka Assam Public Service Commission neidaw wym em ki kyndon (Rules) neibynta ki IAS Probationers ka Assam-Meghalaya Joint Cadre.
Deiwa pynkylla ya ini daw em noh ki Exam Centre hapoh ka jylla heiwa daw pynman ya kini ki Departmental Exam hapoh ka jylla da ka MPSC. Wei ka Syllabus toh u man ko kawa da pynkhreh deiwa yatoh waka jylla deiwa e laad leh wow pynemkaam da ki ktien ka jylla iwa mut da i ktien Khasi wa Garo.
Ha iwi won i liang, ka Cabinet da mynjur ko leh wa ki kreh wa em i jooh i rukom su wa i jooh i emkaam i pyndep puræ puthi kiwa yalehkreh daw kynthup lang ki heijooh hawa pynbna lait kreh namo ki Advertisement. Ka MPSC da jooh pynman ko boon tylli ki Exam neibynta kiwa boon ki chnat sorkar wei ini da man ko iwa da chimpor bha wei deiwa leh kawi donhi ka Exam neibynta ki kreh wa sariem kyrdan daw pynduna bha yei lut por wei daw pynjanai leh yei rukom krehkaam ka MPSC.
Neiliang u Montri Rangbah ka jylla, u Conrad Sangma da ong u wa yeini da leh deiwa bood ya ka Reservation Policy.
