theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Ym ye ka sorkar wow pynlai ya ka 108, daw pyndam noh ya ka Contract waka GVK

Ka sorkar jylla da klam che ko wa kiwa kreh ka Emergency Management and Research Institute (EMRI) 108 wa ym ye ko wow pynlai hi ya ka 108, tangwa daw pyndam noh ya ka Contract waka Company GVK hadien wa da kut ka soskular krehkaam ha u Naikhynde uni u snem. Ya ini da khana da kiwa yahkhmat ka Meghalaya EMRI Workers Union hadien i yachem wa u Montri wa pait yei chait i khiah, u James PK Sangma ynne ka sngi.

Kiwa kreh ka 108 Ambulance hapoh ka MEMRIWU da sdang biang ki yei yakhih nadooh ka 18 tarik uni u bnai wow dawa na ka sorkar wa ka toh u pynlai hi ko ya ka 108 wei wow pyndam noh ya ka Contract wa ka GVK, neibhah ya katai ka Contract kawa da kut naduh u Wisu (Mar) u snem 2021 da pynyinsur biang da ka sorkar hadooh u Naiynru uni u snem.

Advertisement ad1
Advertisement ad1
Advertisement ad1

Ka President yong ka MEMRIWU, ka Microlina Syiemlieh da khana ko wa u Montri da klam che u wa ka sorkar ym ye ko wow pynlai ya ka 108, tangwa daw pyndam noh ya ka Contract waka GVK wei daw khut noh ya ka Tender wa thymme.

Da ong ko wa hajrong ini i rai yong ka sorkar, ka Union leh daw chim ko ya ka rai ha ka General Meeting wow pyndam lane u pteiñ ya ka yakhih.

Da khana wa neiliang ka Union da yakut ko leh wa ka sorkar wa lada khut wow e pynlai ya ka 108 cha kiwi won ki Company toh u man ko kawa lai bait wei toh leh u em i yachem wa kammon kammon chisien 6 bnai hapyrdi ka 108, ka sorkar wa kiwa yahkhmat ka Union.

Advertisement ad1
Share this:
Previous

Daw pynman noh ka MPSC kawi dohni ka Exam ya ki jait kreh wa ya sariem

Next

Kyntu u DC ka EJH ya ki tre mooyong wow krehlang wa ki bor District