15 49.0138 8.38624 1 0 4000 1 https://wyrta.com 300 0
Advertisement ad1

Daw pynman noh ya ka 8th Cash Prize Knock-Out Football Tournament-2018 ha Moopynieiñ, Wapungskur

0 Comments

Wapungskur: Ka Moopynieiñ Socio-Cultural & Sports Organisation (MSCSO), Dong Moopynieiñ, Wapungskur, East Jaiñtia Hills District, daw pynman ko ya ka 8th Cash Prize Knock-Out Football Tournament-2018, ka wow sdang nadooh ka 4 Naisaphar 2018 wei i thmu yong kani ka Tournament toh wow pynku ya ki khynroo ka chnong wa kiwi kiwi ki chnong kiwa em ya i sap ha ka yalehke Football.

Kamtæ ka seiñ MSCSO da khut ko ya ki dhab yalehke wa ki Club kamjooh ya ki bru samen kiwa na jan wa na jngai wow yachimbynta lang ha kani ka Tournament.

Ya kiwa jop Final daw yoh ki ya ka song poisa T. 20,000, ka Trophy wa ki Certificate katwa kiwa rem won u yoh ki ya ka song poisa wa T. 10,000, ka Trophy wa ki Certificate. Daw e leh ya ka khusnaam neibynta u Best Goalkeeper wa u Best Player ha kani ka Tournament deilang wa ki Trophy wa ki Certificate.

Ka bai psiah (Entry Fee) u man ko T. 1,500 chi dhab wei ka tarik wa khaddooh u pdiang toh ha ka 28 tarik uni u bnai ha namo chwa i por 2:00 waje i sngi wei u pdiang du ya 23 tylli ki dhab wow chimbynta. I pynkhle ya ki dhab wow chimbynta u man ko ha ka 28 tarik hi heipor 3 waje nohchariñ ka sngi ha yungkrehkaam ka MSCSO wei ya waroh ki yalehke u pynman ha madan yong ka Dong Moopynieiñ.

Ya ka yutip wa bniah ye u phone ha kini ki number 84158 61654, 76299 07808.

Advertisement ad1

0 Comments

Leave a Reply