Kamwa lai ki por ki sngi ki jait yalehke Sports leh dang mih ki ha rukom hapoh ka jylla wei kawi na kani ka jait yalehke kawa da sdang ku ha Ri-loom Jaiñtia toh ka yalehke pynmih dohksah (Bodybuilding) wa i yaleh wow yoh i pran wa chait wa khiah (Fitness) neibynta ki chynrang wa ki kynthai.
Kamtæ kawi na ki seiñ wa pait wow pynku ya kani ka jait yalehke toh ka Jaiñtia Body Building & Fitness Association (JBB&FA).
Neiliang ka JBB&FA ha kani ka kynti daw pynman ko ya ka lympung wa nyngkong dooh ha Ri-loom Jaiñtia ka wow man ha kani ha ka 6 Naiynru (June) 2020 ha Jowai, West Jaiñtia Hills.
Ya kani ka lympung wa nyngkong dooh u tip leh ya ka kam ka 1st All Meghalaya Body Building Championship.
Ha kani ka lympung daw em ka yakhun neibynta i naam Mr. Iron Man Amateur 2020 wei da bhah ya ka neibynta ki kyrdan Men’s Body Building, Men’s Physique wa ka Women Fitness.
Ha kani ka sngi daw wan leh ki bru wa da rah naam ya ka jylla ki wow pynyoo rong ya i doh i pran yong ki kam u Mr. India Body Building, ka Miss India Bikini Fitness, Mr. India Men’s Physique, wa kiwi kiwi.
Ya ka yutip wa bniah ye u phone ha u Number: 8257875955.
Discussion about this post