Daw pynman ya ka 2nd Kupli Winter Fiesta ha Himani Resort

Ka 2^nd Kupli Winter Fiesta kawa ar sngi wa pynman da ka Dynamic Dreamers Multipurpose Society daw pynman ka ha Himani Resort, Saphai, West Jaiñtia Hills District ha ka 27 wa 28 tarik uni u bnai December.

Ha kani ka tamasa daw em chiboon jait ki pynwyrngia kam ki chong lieñ, i yimpa, i leh Camping, ki thaw lehke ya ki khynnah, ka Bonfire wa kiwi de.

Hei miet ka 27 tarik daw em ka Miss Kupli 2nd Edition ha ryngkat i tem i put da kiwa na Assam wa kamjooh leh na Meghalaya kam na ka Shlem Tynrei, ki Aaeris wa ka DJ Jelly.

Ha ka 28 tarik won daw wan rwai u Rito Riba uwa man leh uwa rwai wa pawnaam bha yong ka Bollywood ryngkat kiwa rwai na Assam kamjooh leh na Meghalaya wa kyntup ya u Monmi & Johnny, ki Black Ember, ki God Father wa u DJ Meban.

Related posts

Khut sñiawbha ka Seiñraij HS School, Jowai ya ki khynnah skur warim wa ki paidbah cha ka Fete 2026

November 12, 2026

Khut ka Amlarem Social Club ya kiwa kwah u thied ya ka Khruk Khuk ka Fete kawa ar sngi

November 11, 2026

Ha ka 28 tarik hi daw em ka Bumper Housie kawa dapoi waroh Rs. 6 lak ka song poisa heiwa ka 1^st House da man ko Rs. 3 lak, ka Second House Rs. 2 lak wei ki line ki Corner man ki mar Rs. 20,000 katwa ka Ticket man ko Rs. 500 kawi.

Kamtæ da khut sñiawbha ya phi ki paidbah waroh wow ya wan cha ka kani ka Kupli Winter Fiesta kawa daw sdang nadooh 01:00 waje i sngi ha waroh ar sngi.