Ka Elaka Lakadong Sports Association (ELSA) HQ-Lakadong Umlatdoh, East Jaiñtia Hills District da rai ko u pynman biang ya ka lympung yalehbol kawa tip kam kam ka “3rd Elaka Lakadong Knockout Football Tournament 2023-2024” kam chibynta u pynchlur ya ki khon khynroo yong ka Elaka heiyatoh wa ki kaam Sports kamjooh wow pyntylli pyntipmit iwi yeiwi.
Kamtæ ka Association da rai ko u khut sñiawbha ya waroh ki chnong wa ki Club chnong kiwa em hapoh Elaka donhi wow ya chimbynta ha kani ka Tournament heiwa daw em ka song poisa kawa Rs. 50,000 ya kiwa jop Final deilang waka Trophy katwa ya kiwa chahrem ha ka Final won u yoh ki Rs. 30,000.
Neitæ ka bai psiah (Entry Fee) man ko Rs. 3500 kawi ka dhab (Team) heiwa u pdiang du 16 tylli.
Ka tarik khaddooh wow pynpoi bai psiah toh ha ka 31 tarik uni u bnai wei u pynkhle nasib ya ki Team toh ha ka 4 tarik u Khonchonglad (Nov) ha chnong Umlyngsha heipor 2:30 i sngi.
Kani toh katkam ka Wyrta na u N.L. Talang, General Secretary ka ELSA.
Discussion about this post