Jowai: Ka Dorbar Chnong Mukhla Nongrim, West Jaiñtia Hills District kamwa jooh leh man u snem ha uni u snem leh daw pynman ko ya ka Chaad Sukra ka yong ka ha ka 29 wa 30 tarik uni u bnai nadooh 12:00 waje i sngi hadooh 04:00 waje i janmiet ha madan Slotmasi.
Kamtae ha kani ka Chaad Sukra daw em chiboon ki dong ki wow yachim bynta nadooh ka Dong Mukhla Wahshnong Club, Mootepkhla Club, Lumtyrnap Club, Neiñ Chnong Club, Lumpohchnong Club, Moolebnai Club, Dongtre ksiar Club, wa kiwi kiwi tawan ki dong næ ki chnong kiwa em hapoh ka chnong Mukhla Nongrim.
Ya kani ka Chaad Sukra da jooh leh ya ka chisien chi snem chwa wow hiar rep ki khon ka chnong cha ki pynthor ki hali kamjooh leh ya ki jhoor wa kiwi kiwi ki mar rep wei wow man ko kam ka dak wow pynneh ya ka Durtur ka Riti wa da sikai da ki warim nachwa.
Kamtæ na ka liang ka Dorbar Chnong Mukhla Nongrim khut sñiawbha ko ya waroh ki Secretary, President, Waheh Shnong, ki Dolloi ki Pator na ki Seiñ Raij waphær waphær wow sñiawbha u pyllait ya i por wa kordor yong ki wow wan sakhi wei wow pynchongchit ya kani ka Chaad Sukra.
Kani toh katkam ka khubor wad a pyllait da u Standbyme Sari uwa man u dkhot yong ka Dorbar Chnong Mukhla Nongrim, West Jaiñtia Hills District.
Also Read: Hapyrdi ka la-ær wa joor phooh ka lehkmen Chaad Sukra ka Mukhla
Discussion about this post