15 49.0138 8.38624 1 0 4000 1 https://wyrta.com 300 0

Lai yachem biang ki manbei ya u DC ka WJH hei yatoh wa ka scheme 100 sngi ha Ummulong

0 Comments
Advertisement ad1

Jowai: Hadien wada kular u Deputy Commissioner warim ka West Jaiñtia u Arunkumar Kembhavi ya ki manbei ka Ummulong kiwa da lai ujor ha oo pyrchah yei rukom pynkrehkaam ya ka scheme 100 sngi næ ka Mahatma Gandhi National Rural Employment Guarantee Scheme hapoh ka chnong Ummulong, ki manbei ynne ka sngi da lai yachem biang ki ya u DC u R. Rapthap wow booddien yeini.

Hei yaklam wa u Rapthap kini ki manbei da khana ki ya waroh iwa jia wei neiliang ka BDO ka Thadlaskeiñ C&RD Block leh da pynman ko ya i takit hei yatoh wa ini.

Da pyntip ki wa neiliang ka BDO da kular ko wow pyndep waroh i takit hapoh ka tayaw wa nyngkong yong uni u bnai wei hadooh ynne ka sngi won ympu em u yoh jubab næ u tip ki ya ka rai namo iwa chem ko.

Neiliang u Rapthap da ong u wa oo ympu tip u iyi iyi chaphang ini iwa da ujor chwa ki neibhah wa ympu em u yoo u ya ki file hei yatoh wa ini.

Da kular u leh wad a booddien u yeini wei daw leh u yeiwa emkaam katkam ki kyndon ka aiñ.

Also Read: Mih i pap na i pynkreh ya ka scheme 100 sngi ha Ummulong

Advertisement ad1

0 Comments

Leave a Reply