theme-sticky-logo-alt
theme-logo-alt

Daw pynman ya ka Dorbar Bah ka Seiñkur Muksor ha chnong Nongthymme, EJH

Ka Dorbar Bah (General Meeting) wa phra ka Seiñkur Muksor daw pynman ya ka ha ka 31-03-2022 heipor 10:00 waje i step hadooh 3:00 waje noh chariñ ka sngi ha chnong Nongthymme, East Jaiñtia Hills.

Ha kani ka dorbar daw yoh yei sneiñ i kroo na ki rangbah kur kynthai wa chynrang.

Ka seiñkur daw saam ko leh ya ki khusnaam namo ki Award deilang wa ki Certificate ya ki khynnah khynroo khyllood kiwa da lehbha kiwa yoh 1st Division nadooh Class –X, Class X-II, BA, B.Com, BSC, MA, M.Com kamtæ ter ter.

Kamjooh leh daw e Award cha ki kur wa boon paaid dooh wa wan na jar jiar ki chnong cha kani ka dorbar. Daw yoh leh i lehkmen, i yachaad sur Seiñkur, deilang waka Cultural Variety Show na ki chnong waphær waphær.

Neiliang u General Secretary ka Seinkur Muksor, u Pyndaplang Muksor uwa man leh kam uwa seiñ ya ka Seiñkur nadooh ka 31-12-2013, da kitbok kitrwiang u ya ki para kur wei da kyrpaad u leh ya ki kur ki jait nadooh ki ma ki woh, ki manbei manpa, ki khon khynroo khyllood, ki heh ki khian, ki payu para, ki tre yung kynthai, ki tre yung chynrang kiwa em hapoh Ri-loom Jaiñtia lane na ki chnong kiwi na kiwi tawan ki thaw wa em ki kur yong i wow yawan chongchit.

Neiliang ka Seinkur Muksor pdiang sñiawbha ko ya phi waroh cha ka Dorbar neibynta kani ka yachem kawa chisien chi snem.

I pyntip na u General Secretary ka Seiñkur u P. Muksor, Phone Number-8787782592.

Share this:
Previous

Da pynsangeh chwa ya ka Final kamjooh ka khle nasib ka ELSA 

Next

Saam symbe kba ka MPFPO cha 20 ngut ki warep