Ka Kur Lamare Jaiñtia Pyllun (KLJP) daw pynman ko ya ka Dorbar Kur (General Meeting) ha ka 08-03-23 ha chnong Jowai, West Jaiñtia Hills heipor 11:00 waje i step.
Ha ini i yachem wa chisien chi snem daw em i klam sneiñ kyntu na kiwa boon ki bru wa bna naam ka kur wei kamjooh leh ka rwai, ka chaad khamtam na ki dkhot ka kur kiwa em hapoh ri Bangladesh.
Ha kani ka sngi daw em leh ka e khusnaam cha ki khon ki yong ka kur kiwa lehbha ha ki Exam waphær waphær kamjooh kiwa da yoh Ph.D neibynta u snem 2021-22 wei emkaam u pynhun ki ya kini ki kyndon ha wah:
Matriculation-80% chaneiñ
HSSLC- 70% chaneiñ
Bachelor’s Degree- 60% chaneiñ
Ya ki kot ki sla (Marksheet) yow pynsakhiat ye wow phah cha u Secretary ka Kur Lamare Jaiñtia Pyllun, u Shanbor Lamare deiwa chon bha i dur dep te phah lyngba u Whatsapp ha kini ki number 7005874528, 6909061569 ha lane chwa ka 28-02-23.
Kamtæ yow pynphooh pynphieñ ya kani ka Dorbar Kur, ka kur da khut da wer ko ya waroh ki khon ki hajar yong ka Kur Lamare kiwa hapoh u pood u ang yong ka Ri-Loom Jaiñtia wa na kiwi leh wow ya wan cha kani ka dorbar kur ha katai ka sngi.
