Ka yung krehkaam u Chief Electoral Officer, Meghalaya deiwa ya krehlang waka Meghalaya Model United Nations daw pynman ko ya ka “Festival of Democracy-Road to 2023”, kawa da pynman deilang waka Meghalaya Electoral Literacy Club yow pynchlur ya ki khynroo wow chimbynta ha ka synchaar paidbah wa heh dooh hapoh pyrthai.
Ya kani daw pynman ha ka 24 wa 25 tarik uni u bnai ha pchem ka U Soso Tham Auditorium nadooh 10:00 waje i step.
Ha kani ka tamasa daw em boon ki jait yakob nadooh ki yalehke, ki dukan dai baam, i tem i put, i rwai i siaw.
Ha ka sngi wa ar daw em ka ya phyllu yumut heipor 6:00 waje i janmiet heiwa daw em leh kiwa klam kiwa tip kam ki ‘Super Six’ kiwa daw yaklam hajrong kiwa boon ki phang wa yatoh wa kani ka Election MLA kawa daw wan.
Kiwa kwah u psiah cha kani ka tamasa emkaam ki wow rah ya ka Voter ID Card lane ki ID ka thaw puræ ki. Daw em leh ka thaw wow thap pyrtuid kam kiwa thap Vote thymme, u pynkylla ya iwa bakla hapoh ka Electoral Roll wei wow yaleh ya ka EPIC wa thymme.
