theme-sticky-logo-alt
theme-logo-alt

Kyntu u Nujorki ya ka Jowai wow khyrngiat noh hawa wan pynskem Primary Unit ka UDP

Ka United Democratic Party (UDP) Jowai Circle hei miet ka 23 tarik da pynskem ko ya ki Primary Unit ki dong wa em cha pohchnong ka chong Jowai kiwa em 6 tylli kiwa da wan wow pynskem da u Nujorki Sungoh, MLA ka UDP na Mowkaiaw Constituency deiwa emlang u President ka UDP West Jaiñtia, u Moonlight Pariat uwa man leh kam u kyrtong ka UDP na 2-Jowai Constituency, u Kitboklang Nongtdu, President ka Jowai Circle, u Marki Mulieh (Ex-MDC) deilang wa kiwi kiwi de ha ka yalang wa da pynman ha Dulong Community Hall.

Neiliang u Kitboklang da yooluti u wa ka Party kawa da booh kyrtong ha waroh 5 tylli ki Constituency wa em ha West Jaiñtia Hills ha kani ka Election MLA 2023 daw ye ko u pynboon yei em MLA ka Party yow poi chei angnood wa i thmu ka Party wow synchaar wei wow chakri paidbah.

U Nujorki hawa e yei klam da ong u wa kamwa man kattæ, ka Party UDP da beh bha ka la-ær ko wei kat chawa lai ki paidbah da kyruiñ ki cha ka kam ka Party kawa em i kyrmen wow wanrah yei kylla wei kat cha wa lai ki chnong, ki Constituency da chem wa ki bru da pdiang bha ki ya ka Party kam kawa wan e kyrmen.

Da kyrpaad u ya kiwa chong chnong ka Jowai wow khyrngiat yong bru wow pyrkhat ya ki 5 snem wa da lai wa lada ka chnong Jowai yoh myntoi ko namo ym em wei katkam i yoo u uwa na baar leh da man ko kawa dooh nong. Kamtæ da toh wow e laad ya u Moonlight Pariat uwa da jied da ka Party napyrdi kiwa boon kiwa yaknieh Ticket heiwa ka Party da chem ko wa oo toh uwa da man uwa biang wei uwa man leh kam i kyrmen ya ka chnong Jowai kamjooh ya ka Constituency waroh kawi.

Da khana u wa ha u snem 2018 da jop u khlem da pynemkaam poisa wei hei lai luti u khlem pynemkaam dei bor ka spah da ye u wow wanrah chiboon ki kaam pynroi hapoh ka Constituency u, kamtæ kam kiwa chong chnong ka Jowai ong u toh u man ki kam ka nongmuna ya kiwi wym toh wow jied ya ka spah ka phaw wei lada jied ya kiwa mihkhmat da ki heh spah hiar dor ka synchaar khadar.

Neitæ i daw da ong u wa kat ka chnong Jowai ym toh u man phi kam ka sarom ya ka Constituency. Toh u jied ya uwa mihkhmat uwa biang yurim ym toh wow chah pynbiej ha ki bru kiwa na baar neibhah oo kam uwa pait na lait da yoo u wa ki 5 snem wa da lai toh kiwa dooh nong bha ya ka chnong Jowai.

Ki Primary Unit wa pynskem man ki kamni ha wah:

Loompyrdi Iongpiah

President- Dasmur Kyndiah

Vice President- Da-O Toi

Secretary- Ruhipaia Suwer

Assistant Secretary- Niki Niangti

Dulong

President- Chembha Kyndiah

Vice President- Marshan Lyngdoh

Secretary- Sparly Dkhar

Assistant Secretary- Pynchemi Paswet  

Dulong Women’s Wing

President- Amalia Lakiang

Vice President- Dakahi Challam

Secretary- Ewala Synda

Assistant Secretary- Yoophika Ryngkhlem

Panaliar

President- Heirtami Kynjin

Vice President- Melam Laloo

Secretary- Kaida Thma

Assistant Secretary- Chwaki Myrphet

Loomiongkjam

President- Heimonmi Shallam

Vice President- Sumarlangki Shallam

Secretary- Wanmi Shadap

Assistant Secretary- Kyrshan Passah

Tpep Pale

President- Stip Singh Rynjah

Vice President- Da-O Syngkon

Secretary- Tobias Lamare

Assistant Secretary- Budmi Rymbai

Chilliang Raij

President- Khroo Shylla

Vice President- Rimonki Dkhar

Secretary- Regan Suchiang

Assistant Secretary- Samha-O Shylla

Umshangiar

President- Philip Talang

Vice President- Pdeinlang Laloo

Secretary- Kuneki Lato

Assistant Secretary- Emlangki Lakadong

Share this:
Previous

Daw pynman ya ka Festival of Democracy-Road to 2023 kawa ar sngi

Next

Khlaad noh u Ma Swell Ryngkhlem