Ka seiñ Jaiñtia Students’ Movement (JSM) da pyntip ko cha phi ki khon khynroo wa puræ puthi ka Ri Jaiñtia kiwa dadep puræ ya ka kyrdan Bachelor Degree ha ki laiñ waphær waphær wa neiliang ka JSM deiwa ya krehlang wa u Deputy Commissioner ka West Jaiñtia Hills District, u Abhinav Kumar Singh, daw pynman ki ya ka e sikai (Coaching) wa mynkna neibynta ka UPSC Exam ha Jowai.
Kamtæ ka JSM dei mynsien wa maya khut ko ya kiwa em i thrang mynsien u thoh ya kani ka Exam kiwa kwah u yoh yei hikai wa kammon u pynkhreh ya ka Exam UPSC kawa man ka Exam kawa eh hapoh ri India.
Ka seiñ da ong ko leh wa i daw wa kwah ko wow wanrah ya kani toh neidaw la 12 tylli ki snem ym em de kiwa na Ri Jaiñtia wa yoh u man IAS, IPS kamjooh ki sahep wa heh hapoh ka jylla yong i.
Ka seiñ da pynchlur ko ya ki khon khynroo ka Ri Jaiñtia kiwa dadep ya ka Bachelor Degree wow chim kabu wow leh ya kani ka Exam UPSC neidaw wa man i kam ki Schedule Tribe, kamtæ ka JSM da kyrpaad ko ya ki khon khynroo khyllood wow man kiwa chlur u thoh ya kam kini ki jait Exam.
Kitu kiwa kwah wow yoh ya kani ka e sikai ye ki wow Phone ha u President ka JSM-Western Region (7630030965).
Discussion about this post