Jowai: Ka Seng Samla Unitarian Church Jowai kawi na ki tnat krehkaam yong ka Balang Unitarian Jowai kam chi bynta wow kner ya ki kti cha ka imlang sahlang daw pynman ki ya ka Free Health Camp ha kawa yatoh waka Urology wa i kjut Kidney ha ka 14 tarik uni u bnai ha H.K. Singh Secondary School, Jowai nadooh i por 10:00 waje i step.
Ya kani ka Free Health Camp daw pynman deiwa ya krehlang wa ka Centre for Advanced Urology & Kidney Diseases, Guwahati heiwa ki doctor na ka tai ka Centre wa yahkhmat da u Dr. Arup Kr. Nath, MS, MCh daw wan ki wow leh checkup wei wow a dawai ya ki wa kjut.
Kamtæ ka Seng Samla Unitarian Church Jowai da khut ko ya waroh kiwa em i kjut i chitom ha ki Kidney wa kiwa em moo wow wan cha kani ka Free Health Camp.
Kani toh katkam ka khubor wa phah da ka Seng Samla Unitarian Church Jowai.
Discussion about this post