15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Wai ka Violet Lyngdoh ya ka VIP Gallery ha madan ka Ladrymai Dongwah

0 Comments
Advertisement ad1

Jowai: Ka Ladrymbai Dongwah Social Welfare & Sport Club, da yoh ko wow wai ya ka VIP Gallery haka 9 tarik uni u bnai wa da yarap poisa daka MDC ka thaiñ ka Violet Lyngdoh kawa man leh kam ka kongsan ha kani ka sngi katwa u symbood kongsan won da man u Shaniahskhem Dkhar.

Ka poisa wow chna ya kani ka VIP Gallery namo ka thaw chong ki bru wa da chah khut sniawbha toh hapoh ka Special Assistant Central Plan 2015-2016.

Da pynlai ya ka yalang ha kani ka sngi da u Chairman yong ka Club u Shanbor Suja uwa man leh kam u waheh chnong yong ka Ladrymbai Dongwah wei da emlang leh ki bru waheh wasian ka chnong waroh nadooh ki dkhot Committee yong ka Dorbar Chnong.

Da yoh ya i klam na u Cherity Suja Secretary chnong yong ka Ladrymbai B uwa da e khublei ya ka Sport Club wa da pynman ki ya kam kani ka yalang neibynta i bha i miat ki bru wa maya wow yalehke Sport yow ye ki u kiar na i dih kiwa pynmuaid kawa manda pynmyllien da man ko kawa sih bha.

Da ong u leh wa lada pynmyllien da kiwa yalehke wow dih daw ktah bha ko ya i doh i pran yong ki

Da yoh leh ya i klam na ki waheh ka chnong u Tymmen Wasan u Itbha Lyngdoh, u Moonlight Phawa uwa u Principal yong ka Little Star UP School Ladrymbai, na u Tbn K. Lyngdoh, Tbn H. Amrasong , Tbn H. Rymbai wa kiwi kiwi.

Ka kongsan ha kani ka yalang da kyntu ko ya kiwa yahkhmat yong kani ka Sport Club wa ya kiwa yahkhmat ka chnong wow sumaar bha ki ya kani ka VIP Gallery deiwa leh khooid ya ka.

Da yoh ya ki ktien e khbublei na u John Pala.

Advertisement ad1

0 Comments

Leave a Reply