Ka yung krehkaam u District Sports Officer, West Jaiñtia Hills District deiwa ya krehlang wa ka yung krehkaam u Deputy Commissioner, West Jaiñtia Hills District, Jowai daw pynman ki ya ka Fit India Freedom Run 3.0-2022 ha ka 22 tarik uni u bnai.
Kani ka yaphet Freedom Run u man ko neibynta ki kynthai wa ki chynrang (Open Category) yow lehkmen yei dap 75 snem i yoh laitlooid ka ri (Azadi ka Amrit Mahotsav).
Ya kani ka Freedom Run daw kaweh lama na Main Gate ka Kiang Nangbah Stadium wei daw phet tymbud u Ladthadlaboh Main Road-Jowai Public School-Salaroh-Dulong (Poh-Hali Road)-Dulong (Main Road)-Iongpiah-Panaliar-Old Civil Hospital-Le Kyrnah-Kiang Nangbah Monument (Syntu Ksiar) iwa man kam i thaw pynkut.
Ya ini u sdang heipor 6:00 waje i step wei kiwa kwah u chimbynta ye ki wow wan e pyrtuid ha ka jooh ka sngi chwa u sdang deiwa wan ha Kiang Nangbah Indoor Stadium, Jowai heipor 5:30 i step.
Kamtæ ka yung krehkaam u District Sports Officer da khut ko ya waroh wow ya wan chimbynta wei kiwa jop daw yoh ki leh ya ka song-poisa.
