Kam chibynta ka lehkmen ya ka Sngi Laitlooid ka ka ri India (Azadi Ka Amrit Mahotsav), ka yung krehkaam yong u District Sports Officer, East Jaiñtia hills, da pyntip wa daw pynman yaka Webinar haka 14 tarik uni u bnai halor ka phang, “U Kiang Nangbah kam uwa yaleh laitlooid ka Jaintia Hills.”
Daw pynman leh ya ka “Freedom Run” ha ka 15 tarik uni u bnai kawa ym toh wow yaleh yow yaknieh yei jop (Non-Competitive) kawa daw sdang heipor 7:00 waje i step na yung krehkaam u DC ha Khliehriat ha i thaw wa em u mot sahkynmoo u Khlawait ka ri U Kiang Nangbah.
Daw chim yei pyrtuid kiwa chimbynta hachwa wow sdang i yaphet. I yaphet man i leh neibynta ki waroh kiwa kwah wow chimbynta.
Ya ka yutip wa bniah, yei wow yoh naka yung krehkaam u DSO, East Jaiñtia Hills.
