theme-sticky-logo-alt
theme-logo-alt
Advertisement ad1

Dawa ka EJNC wow kylliang thymme ya u Transformer hapoh ka chnong Mutong

Advertisement ad1
Advertisement ad1

Ka seiñ EJNC-Sanshnong Circle wa ka EJNC Khliehmyntriang Unit hapoh i yahkhmat yong u President ka Khliehmyntriang Unit, u Lektor Dkhar wa u President yong ka Sashnong Circle u Kelling Phawa, ha ka 11 tarik uni u bnai da lai yachem ki ya u Executive Engineer wow dawa kylliang noh ya u Transformer wa em ha ka chnong Mutong hapoh ka 27 tarik uni u bnai.

Ka seiñ da ong ko wa utai u Transformer toh uwa da rim bha wei u wym ye de wow pynpoi bordiñ cha ki manyung wot wow pyndap bor ya ka Mobile Phone leh ha kam kini ki por wa ki khynnah skur da pynemkaam ki da ki Mobile hadooh wow leh Online Class wei lada uni u Transformer ym ye u wow krehkaam daw chem chitom leh kiwa chong chnong yong katai ka thaaiñ wa kamjooh leh ya ki khynnah skur.

Advertisement ad1

Ka seiñ da pynsñiaw ko leh yei sñiawkmen wa hadien i yachem wa u Executive Engineer u H. Iacias, da kular u wow phah kylliang thymme noh hapoh katai ka tarik wa da e por ka seiñ. Ha itai i yachem da thooh yutip leh chaphang ka Scheme LEO heiwa u Executive Engineer da jubab u leh wa daw poi cha ka chnong Mutong, pynkut ka kyrwoh na u Yoniis Dkhar, Education Secretary EJNC – San Chnong Circle.

Share this:
Previous

Daw pynhær lama ka ABVP ha ki 50 tylli ki thaw ha Ri-loom Jaiñtia

Next

Daw pynman ya ka Freedom Run ha Khliehriat