Jowai: Ka Sangeet Natak Akademi hei yakrehlang wa ka Madhav Sanskriti Nyas, Guwahati kam chibynta wow pynsah naam ya uwi na ki Khlawait ka Ri u Woh Kiri Dhar, Dolloi ka Elaka Shangpung daw pynman ya ka Kiri Daloi Traditional Instrumental Music Festival Meghalaya (KDTIMFM) 2018.
Ya kani ka yakop daw pynman ha Madan Pohlyngdoh, Shangpung Pohshnong, West Jaiñtia Hills District ha kani ka 21 wa 22 tarik uni u bnai hajrong ka phang “Our Traditional Musical Instruments, Our Identity”.
Ya kani ka yakop da pyndap poisa da ka National Academy of Music, Dance and Drama, New Delhi, Ministry of Culture Government of India.
Ya kani ka lympung daw wan wai da u Director Northeast Chapter ka Indian Council for Cultural Relation (ICCR) u Munish Singh wei daw wan pynhaap pyrda ya ka da u Lat ka jylla u Ganga Prasad ha ka 22-03-2018 heiwa daw wan chimbynta da kiwa na Ri-loom Khasi, Jaiñtia wa Garo.
Kam wow pynkynmoo, u Woh Kiri Dhar toh uwi na ki khlawait napoh Ri Loom Jaiñtia ha ki por shynchaar ki pharæng wei ya u woh Kiri da kha ha u snem 1823 ha chnong Shangpung wei da man u kam u Dolloi ka Elaka Shangpung hadooh kamwa chiphaw snem.
U Woh Kiri da khlaad u ha madan thma, Loommukut Shangpung heipor wa yaleh pyrchah ya ki pharæng (British) ha ka 05-02-1862.
Ya kani ka khubor da phah da u Programme Coordinator Kiri Daloi Traditional Instrumental Music Festival, Meghalaya u Heibormi Sungoh.
Discussion about this post