Ka Bataw Rumshnong Youth Club kawi na ki Club wa rim bha yong ka chnong Bataw kawa da seiñ nadooh ka 03-01-1967 da ki waheh wasian hei thmu wow pynchlur ya ki khon khynroo khyllood ha ki kaam wa bha, da pynbna ko wa daw pteiñ biang wow pynman ya ka lympung yalehbol kawa tip kam ka 3rd RYC Bataw Knockout Football Tournament 2024-25 wow pynman ha madan Lacheh Bataw.
Ha kani ka lympung yalehke, ka Club u pdiang ko du ya ki 32 tylli ki Team wa kwah u chimbynta heiwa ka bai psiah chirup wa ka bai Player u man ko Rs. 5000.
Ka Team wa jop yei naam Champion u yoh rah ko ya ka song poisa wa Rs. 2,00,000 deilang ka Trophy katwa ka Team wa ar u yoh ko Rs.1,00,000 deilang ka Trophy.
Neiliang ka Club daw saam ko ya ki khusnaam pynchlur kam ka Best Player Award wa ka Best Goalkeeper Award.
Kamtæ ka Club da khut sñiawbha ko ya ki Club samen, Club Dong, Club Chnong næ kiwon kiwon kiwa kwah u ya chimbynta ha kani ka lympung yalehbol.
Wow tip bniah ye u Phone ha u Sports Secretary, u Niki Lyngdoh ha u Number-8787821276.
Ini toh i pyntip na u President ka Club uwa man leh kam u Waheh Chnong ka Bataw, u Deihok Sumer.
Discussion about this post