Ka yung Assembly Building wa thymme kawa em ha Mawdiangdiang daw pynman ha ka ya ka lehkmen Pre-Christmas ha ka 19 tarik uni u bnai.
U Speaker ka Assembly, u Thomas A. Sangma chirup wa u Deputy Speaker, u Limison D. Sangma wa kiwi ki sahep da pynman ki yei lai pait ya kani ka yung ynne ka sngi heiwa i pynkhreh ya kani ka lehkmen da man iwa lai bait wei u man i leh ka sien wa nyngkong wow pynman lehkmen ha kani ka yung.
Iwa heh i kreh wa dang sah toh wow pynpoi bordiñ da ka Meghalaya Energy Corporation Limited (MeECL).
Da pait leh yei emkaam chirup wa ka chnat Urban Affairs Department heiwa u Thomas da sñiawkmen u wow yoo yei kreh heiwa waroh daw ye u pyndep hapoh i por katkam wa pait ka High-Powered Committee (HPC).
Ha kani ka sngi da emlang u Commissioner & Secretary, u Andrew Simons, u Secretary u Malthus S. Sangma, u Executive Engineer, Technical Adviser wa kiwi.
Kam wow kdaw heini, u Thomas da ong u wa ka Assembly Hall u pyndep ya ka ha u June 2026 wei heitæ donhi u ye u pynnan ya ka dorbar.
Discussion about this post