Jowai: Ka Sonapyrdi Tourism & Economic Development Society (STEDS) Sonapyrdi, East Jaiñtiia Hills daw pynman ko ya ka tamasa wa ar sngi wa tip kam ka Lukha Festival ha ka 15 wa 16 Thohlakhmi (February) 2019 harood ka wah Lukha.
Ka wah Lukha man ko kawi na ki wah waheh tam ha jylla Meghalaya wei ka Society thmu ko wow pynman ya kani ka tamasa wow pynku ya ka kaam uiñke suwari yong ka jylla khamtam ka East Jaiñtia Hills.
Kani ka thaw sariem bha ko wa ka Shnongpdeng wa Darang wei ye u chna ya ki thaw sah wa chipor harood kani ka wah wei yajan ko leh wa ka Narpuh Wildlife Sanctuary wa em ki mrad wa ki jait syntu wa ha rukom.
Ha Narpuh Wildlife Sanctuary em leh ki Hulu namo ki Hoolock Gibbons wei em leh hadooh 350 tylli ki jait sim wei em ko leh hajan ka jylla Assam, Manipur, Mizoram wa Tripura.
Ka Lukha Festival u man ko kawa nyngkong dooh hapoh East Jaiñtia Hills wei daw em ki lehke wa ki kaam pynwyrngia wa ha rukom ki wow riñ ym du ya ki tre jylla tangwa wot ki baar jylla leh kamjooh.
Ha kani ka tamasa daw pynman leh ya ka 1st Miss Narpuh, Boat Racing Competition, Swimming Competition, Diving Competition, Beach Futsal Competition, Fashion Show, DJ Night, Trekking wa kiwi kiwi.
Discussion about this post