15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynbna ka UDP ya ki kyrtong MDC

0 Comments

Shillong: Ka United Democratic Party (UDP) ynne da pynbna ko ya ka thup wa em 9 ngut ki kyrtong MDC wow yakhun na Khasi Hills Autonomous District Council (KHADC) wa Jaiñtia Hills Autonomous District Council (JHADC).

Ya ki 9 ngut da jied da ka Sub-Committee ka State Election Committee (SEC) ka Party.

Ki kyrtong kynthup ki ya 5 ngut na West Jaiñtia Hills, 2 ngut na Shillong, 1 na West Khasi Hills wa 1 na Ri-Bhoi District.

Ki 5 ngut na West Jaiñtia hills toh u Marki Mulieh na 17-Jowai North Constituency  uwa man u MDC wa katni, u Dawan Lyngdoh na 10-Mynsngat-Khanduli Constituency, u Herman Khonglah na 3-War West Constituency, u Shanbor Sumer na 12 Barato-Mukroh wa u Lakhon Biam na 7-Nangbah Constituency.

Na Sillong ki kyrtong kynthup ki ya u Paul Lyngdoh na Jaiaw Constituency waka Saralinda Kharlukhi na Mawkhar-Pynthorumkhrah Constituency.

Na West Khasi Hills ka Party da pynbna ko ya u Toning Tyrsa na Nongstoin katwa na Ri-bhoi Mawhati Constituency toh u Kisborly Kharbani.

U Working President ka Party u Jeminio Mawthoh da ong u wa ka Party daw rai ko sa ar ngut ki kyrtong na East Khasi Hills, West Khasi Hills wa Ri-bhoi District.

Da pyntip u wa daw rai leh ya ki 8 ngut na West Jaiñtia Hills wa 6 ngut ki kyrtong na East Jaiñtia Hills District.

Da pyntip u leh wa ya ka thup wa bood daw pynbna ha ka tayaw wa ar yong u Duyatra (January) 2019.

Heiyatoh wa i yakhun na waroh ki MDC Constituency, da ong u wa katwa dang em i yalok wa ka Hills State Peoples Democratic Party (HSPDP) katwa kamtæ ym pynyakhun na ki kattu katni ki Constituency.

 

Previous
Next

0 Comments

Leave a Reply