Ka Jaiñtia Body Building & Fitness Association (JBB&FA) daw pynman ko sa chisien ya ka tamasa pynyoo sap yong ki chynrang wa kynthai kiwa heh dohksah kawa daw pynman ha chnong Jowai wei kani toh ka sien kawa le wa pynman ya ka wei da tip kam ka 3rd All Meghalaya Amateur Body Building Championship deilang leh waka Mr. Ironman Amateur 2023, kawa daw pynman ha ka 02-09-2023 ha District Library Auditorium Mynthong, Jowai heipor 3:30 i janmiet.
Ya kiwa jop daw yoh ki yaka songpoisa neibynta ki Overall Winner wa ki Category Winner wei ya kani ka yakob da pynman deiwa tipmit lang ka Meghalaya Body Building & Fitness Association waka World Fitness Federation India.
Ha kani ka sngi daw e khusnaam namo ka Award cha kitu kiwa jop ya ki yakob Body Building wa da pynman ha kiwi ki jylla, ya kiwa thoh khubor ka ri-loom Jaiñtia wa kiwi tawon.
Ha katai ka sngi daw em leh kiwa daw wan pynyoo dohksah namo ki Guest Poser kiwa daw pynchongchit ya kiwa wan paitke kiwa da jop ha ki yakob wa da pynman cha kiwi ki jylla wei kitæ toh:
Ka Suzie Oreal Basan (Ms. Women’s Physique NPC Nagaland 2023)
Ka Jehvera B Nongkynrih (Ms. India 2022)
U Wanraplang Thubru (Mr. India 2022)
U Vivan Oswin Pajuh (Mr. East India 2022)
Ki bai Ticket man ki kamni ha wah:
Donors Card- Rs. 500
Executive Class- Rs. 300
Daw em leh i pynkhle ya ka Lucky Draw ka JBB&FA ha katai ka jooh ka sngi wei ki Prize man ki kamni:
1st Prize- Rs. 50,000
2nd Prize- Rs. 20,000
3rd Prize- Rs. 10,000
Ya kiwa chimbynta daw thaw khia ki haka 02-09-23 heipor 12:00 waje pyrdi sngi.
I pyntip paidbah na u Yoosar Kynjing, President wa na u Bakhrawkupar Sumer, General Secretary ka JBB&FA.
Discussion about this post