Ka Jaiñtia Hills District Chess Association kam chibynta i lehkmen yei dap 25 snem namo ka Silver Jubilee ka Thomas Jones Synod College daw pynman ko ya ka Open District Chess Competition 2022 deiwa ya krehlang waka Thomas Jones Synod College Jowai.
Kani ka yakob yaleh Chess u pynman ha ka 1 tarik wa 2 tarik u Naiynru (July), 2022 ha ki kyrdan wa man kamni ha wah:
- Open Category (Class XI Above and Open to all)
- Junior Category (Class X Below)
- Women’s Category
Ka tarik wa khaddooh wow thap pyrtuid namo ka Registration toh ha ka 30-06-22.
Ka thaw pynman ya kani ka yakob toh ha Thomas Jones Synod College Jowai wei u sdang nadooh 10:00 waje i step.
Ya ka yutip wa bniah ye phi wow Phone ha kini ki Number: 7628022002, 8974560098, 9774570902.
