Ka yung krehkaam u Deputy Commissioner, West Jaiñtia Hills District, Jowai chirup wa ka yung krehkaam u District Sports Officer wa District Sports Promotion Society daw pynman ki ya ka National Unity Day Rashtriya Ekta Diwas ha ka 31 tarik uni u Naichiphaw kam chibynta ka sngikha u Sardar Vallabhai Patel uwa da wanrah yei yatylli hapoh ka ri.
Hajrong ini daw pynman ya ka Run for Unity ha katai ka sngi heipor 6:30 i step heiwa daw em ka Spot Registration ha Kiang Nangbah Indoor Stadium, Jowai nadooh 5:30 i step.
Ka luti yong kani ka yaphet man ko kamni: U sdang ko na Kiang Nangbah Stadium-Ladthadlaboh Main Road- Kiang Nangbah Government College-By Pass warim- Yingkieñ Myntdu-Police Point-New Hill- Ladthadlaboh Main Road wei daw pynkut ha Kiang Nangbah Stadium.
Neiliang u District Sports Officer, West Jaiñtia Hills District, Jowai da khut sñiawbha u ya waroh kiwa na West Jaiñtia Hills wow chimbynta ha kani ka yakob phet heiwa daw e leh ya ka song poisa cha kiwa jop.
