Daw pynman ya ka Table Tennis Championship Tournament yow jied ya kiwa mihkhmat ka West Jaiñtia

Ka West Jaiñtia District Table Tennis Association daw pynman ko ya ka Table Tennis Championship Tournament 2024 ha ka 28 tarik u Naikhynde ha Kiang Nangbah Indoor Stadium, Dongmihsngi Ladthadlaboh, Jowai.

Kani ka Tournament man ko leh kam chibynta ka Meghalaya Games ka wow man ha Jowai ha u Duiyatra (Jan) 2025.

Da em leh ka Coaching kawa da sdang nadooh ka 6 tarik uni u bnai wei kiwa kwah u wan cha kani ka chah hikai ye ki wow Phone ha uni u Number-6009175449.