Daw pynman ya ka yakob khwe dakha kawa palat T. 19 lak ka song poisa deilang wa 5 tylli ki kari

Ka yakob khwe dakha kawa palat T. 19 lak ka song poisa wa 5 tylli ki kari kam ki Prize daw pynman ha kani ka 26 tarik uni u Naisaphra, 2023 ha Tuber Tahkhniang kawa daw sdang nadooh 9:00 waje i step wei daw pynkut heipor 2:30 i sngi.

Ya kani ka yakob khwe dakha u pynman da u Peling Lyngdoh, u Slon Bareh, u Phremling Shylla wa ki lok yong ki ha ki nan u Peling Lyngdoh wa em san tylli kiwa em leh pyn harood u sarokbah NH-6.

Ya ki Ticket u sdang wow dai nadooh kani ka 25 tarik heipor 2:00 waje i sngi deilang wa ki Sticker yow yoh u booh thaw wei ka Ticket man ko T. 3000 chi pyrsiej.

Najrong ki dakha warim da dep theh thymme leh 13 Quintal ha ka 15 tarik uni u bnai.

Related posts

Da tam ₹ 11 lak u pynkhle ka Panaliar ha ka Lucky Draw uni u snem

September 7, 2025

Da ka Thar, ka Royal Enfield Classic wa ka Yamaha YZR u pynkhle ka chnong Rymbai

September 5, 2025

Ha kani ka yakob khwe daw em leh ya ka Lucky Draw heiwa ka 1^st Prize toh da ka kari S-Presso kawa da biang ki kot ki sla.

Ya kiwa jop won ya ka yakob khwe, ka 1^st Prize man ko T. 5,00,000 neitæ kiwa yoh 2^nd Prize hadooh ka 6^th Prize u yoh ki mar kawi ka kari Alto K10 kawa dang thymme.

Kiwa yoh 7^th Prize hadooh 18^th Prize u yoh ki mar T. 1,00,000 samen katwa uwa yoh 19^th Prize u yoh u T. 50,000 wei uwa yoh 20^th Prize u yoh u T. 25,000.

Daw em leh ar tylli ki Consolation Prize kitæ ka Consolation-A kawa 10 tylli kawa mar T. 10,000 samen waka Consolation-B kawa 10 tylli kawa mar T. 6000 samen.

Kamtæ da khut ya phi ki paidbah wow ya wan phi wow chimbynta ha kani ka yakob khwe kawa man leh kam kawi na kawa heh dooh ha East Jaiñtia Hills.