Daw pynman ya ka yakob khwe dakha kawa T. 60 lak ka song poisa

Hadien wa ha ka 12 tarik uni u bnai da dep wow pynman ya ka yakob khwe dakha wa heh bha kawa dapoi waroh T. 50 lak ka song poisa kawa pynman da u Perit Lyngdoh ha ka nan u Maiat Muksor wa em ha Mynsngat Mootha, West Jaiñtia Hills District.

Neiliang u Perit da pyntip u wa daw pynman biang ya kani ka yakob khwe dakha ha ka jooh ka nan wei ka song poisa ha kani ka kynti dapoi ko waroh T. 60 lak.

Kani ka T. 60 lak kynthup ko ya ka 1^st Prize kawa T. 5 lak, ka 2^nd Prize T. 3 lak waka 3^rd Prize T. 2 lak. Kiwa yoh ya ka 4^th Prize hadooh ka 50^th Prize u yoh ki mar T. 1 lak samen. Uwa yoh 51^st Prize u yoh u T. 50,000 neitæ uwa yoh 52^nd Prize u yoh u T. 30,000 katwa uwa yoh 53^rd Prize u yoh u T. 20,000. Em leh 20 tylli ki Consolation Prize kiwa mar T. 10,000 samen.

Ka sngi wow pynman ya kani ka yakob khwe toh ha ka 16-08-23 nadooh 9:00 waje i step hadooh 2:00 waje i sngi wei chwa ini daw theh dakha thymme 2 Ton haka 09-08-23 heipor 10:00 waje i step najrong ki dakha warim wa da em chwa.

Kani ka thaw khwe toh kawa em san tylli ki nan wei chniam hadooh 6000 ngut kiwa khwe.

Related posts

Khut sñiawbha ka Ladrymbai Handloom Weavers Co-Operative Society cha ka Fete wa daw em ka Bumper Housie wa palat Rs.16 lak

January 29, 2026

Jop u Ranasing Khyriem yei naam Mister Heritage King India 2026

January 29, 2026

Ya ki Ticket u sdang dai nadooh ka 15-08-23 hei dor wa T. 3000 uwi u pyrsiej.

Puræ leh: Da ki hajar ngut wa wan chimbynta ha ka yakob khwe kawa T. 50 lak ki khusnaam