Daw pynman ya ka yakob khwe kawa dapoi palat Rs. 65 lak ki Prize, da dep theh 2 Ton tam ki dakha

U Perit Lyngdoh deilang waka West Jaintia Fishing & Multipurpose Association daw pynman ki ya ka yakob khwe dakha kawa dapoi waroh Rs. 65,50,000 ka song poisa wei ya kani daw pynman ha ka nan u Maiat Muksor kawa em ha Mynsngat Mootha ha ka 03-10-23.

Kam chibynta wow pynkreh yeini, ha ka 26 tarik uni u bnai da theh 2 Ton wa 50 Kg ki dakha ha ki 5 tylli ki nan wa em ha kani ka thaw deilang wa ki dakha Prize ha kawi pa kawi ka nan kiwa khia kamwa 2.800 Kg kawi.

Kiwa kwah u chimbynta ye ki wow thied Ticket nadooh ka 02-10-23 nadooh i por 5:00 waje i step wei i dor toh Rs. 3000 kawi wei ka yakob khwe u sdang ko nadooh 9:00 waje i step hadooh 2:00 waje i sngi ha ka 3 tarik.

Daw em leh ka Lucky Draw heiwa ka 1^st Prize toh Rs. 3,00,000, ka 2^nd Prize Rs. 1,00,000 katwa ka 3^rd Prize won Rs. 50,000. Wei ka bai Ticket man ko Rs. 250 kawi.

Related posts

Ka Result Lucky Draw ka Mookhep Secondary School

November 25, 2024

Da ka S-Presso, ka Hero X Pulse, i ksiar wa ka Latop u pynkhle ka Iapmala Presbyterian U.P. School

November 22, 2024

Ka song poisa kawa Rs. 65,50,000 toh kawa da yabhah ha ki 82 tylli ki Prize heiwa kiwa yoh 1^st Prize daw yoh ki Rs. 5,00,000; kiwa yoh 2^nd Prize won Rs. 3,00,000 katwa ka 3^rd Prize won Rs. 2,00,000.

Em leh 45 tylli ki Prize kiwa mar Rs. 1,00,000 kawi, 10 tylli ki Rs. 50,000 neitæ kawi ka Rs. 30,000 wa kawi ka Rs. 20,000. Da em leh 20 tylli ki Consolation Prize kiwa mar Rs. 10,000 kawi.

Yow tip bniah ye wow Phone ha kini ki Number: 9394652337, 8787669958, 6009245649, 6009701520, 9856443144.