Uwi u bru uwa da chah pynbaad wa thombor ya kawi ka khynnah kynthai kawa na Mairang, da chem yei metyap u hei step ka 26 tarik uni u bnai na Lawbrytun, Eastern West Khasi Hills District.
Uni u bru uwa tip pyrtuid kam u Manwell Marwein da chem yei metyap u da kiwa ha-yung hi u kiwa da suba wa da pyntkut u yei mynsien hi u hadien wa mih ini i chah pynbaad thombor u ya kani ka khynnah.
Kam wow pynkynmoo wa ha ka 19 tarik uni u bnai, kani ka khynnah Class-XII kawa na Mairang da chah thombor ko heipor wa liwan na skur yow lai cha yung heiwa da chah dat ko da u moo nei bynta i khmat ko wei uni u bru wa leh yeini da maham u leh wow dung wei ah rdang ka.
Yei metyap u Manwell Marwein da chem na iwi i thaw rep wa em hajan kani ka chnong.
Kani ka khynnah da mynsoo joor ko neibynta i dur khmat ko hadien ini i chah dat ko wei dang chah sumaar ko ha Civil Hospital, Shillong.
U Manwell toh uwa da wiar nadooh ka 19 tarik hadien wa jia ini iwa da pynsuba joor wa emkti u ha ini i kaam.
Ki pulit da suba ki wa u Manwell da pynkut hi u yei mynsien deiwa pasi heiwa da chem ya ki tylle hajan yong oo.
Neiliang ki pulit da rah ki yei metyap u Manwell yow pyndep ya ka Post-Mortem wei ka takit dang lai ko chakhmat yow tip yei rukum yap u.
Discussion about this post