Ka Shillong Lajong FC daw wan ko cha East Jaiñtia Hills District ha ka 9 tarik uni u bnai yow yalehbol pyrchah ya ka Dkhiah West FC kawa man kam ka yalehke chi lok namo ka Friendly Match.
Ya kani ka yalehke da pyman deiwa kreh chitom u Jasminson Tlang uwa man leh kam uwa yalehke bool uwa da jooh chimbynta ha ka Shillong League wei uwa da jooh yalehke leh ya ka Khliehriat FC.
U Jasminson da ong u wa da pynman u ya kani ka Friendly Match toh yow e mysnien ya ki khynroo wa em yei sap wow yalehbol wei heijooh i por leh yow yoo u Coach ka Lajong yei sap yong ki boi daw ye ki u chah jied mynstep mankawi.
Da pyntip leh wa ym em chim poisa ya kiwa kwah wow wan paitke ya kani ka yalehke kawa daw pynman heipor 2:00 waje i sngi ha Dkhiah West.
Chooh chooh da pyntip wa kiwa yalehke ka Dkhiah West FC toh kiwa napoh ka Dkhiah West hi.
