theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Daw pynman yaka 1st Sumer Got Talent ha chnong Samasi

Ka Sumer Socio Cultural Sports Education & Entertainment Development Society deiwa ya krehlang waka Ams Entrepreneur Multipurpose Co-operative Society Ltd., daw pynman ki ya ka 1st Sumer Got Talent haka 19 tarik uni u bnai heipor 5:30 i janmiet hapoh ka yung Dorbar ka chnong Samasi, Sumer Elaka, East Jaiñtia Hills.

Ya kani ka tamasa pynyoo ya ki sap ki phong da pynman hajrong ka thong yong ka SSCSEEDS waka Ams EMCSL wow yoh rynsan ki khon ka Elaka Sumer wow pynyoo pyrthai yei sap ki kawa dang man kawa sahdien bha hawa ya wyrchaw wa kiwi tawon ki chnong næ ki Elaka.

Neitæ i daw da pynmih da kani ka Talent Show neibynta ki khon ka Elaka Sumer donhi kiwa ye u ya chimbynta, wei kiwon kiwon kiwa kwah wow ya chimbynta hap ki wow rahlang wa ki kot ki sla wa emkaam yow pynsakhiat yei mantre ki hapoh ka Elaka Sumer kam ka kot Birth Certificate lane da ka EPIC.

Ya kiwa ya chimbynta daw em leh ka bai psiah kawa Rs. 200 kawi ka kynhun næ yong samen, wei ya kiwa jop daw yoh ki leh yei yarap na kini ki ar Society kiwa man kamni ha wah:

1st Prize-Rs. 10,000

2nd Prize- Rs. 7,000

3rd Prize- Rs. 5,000

Ha katai ka sngi daw emlang leh u Sunday Salahe uwa man leh kam uwa ak phlim Pnar wa u Treibormi Manar uwa man leh u uwa pawnaam haka Dance Jaintia Dance kiwa daw man leh kam kiwa bichaar namo ki Judge ha kani ka Talent Show.

Ya ka yutip wa bniah ye phi u Phone ha kini ki Number: 7005166767/ 9856050447/7085708235/7005412465.

Ka wyrta na u Amnesty Salahe, General Secretary.

Share this:
Previous

1301 tylli ki kreh wa lait wym pu em pynman Interview ka MPSC: Conrad

Next

Ka Aiñ Khyndaw toh kawa da kular Election wei da pynmankaam ka NPP: Macmilan Byrsat