Ka Executive Committee yong ka Kur Phawa-Siangshai seiñbei da sñiawkmen ko wow pyntip cha phi waroh ki para kur para jait, nadooh ki Chairman, ki Secretary wa kiwa kitkaam yong ka kur ha ki chnong ki thaw wa ki Unit waphær waphær wa ya phi leh ki para kur Lyngdoh Phawa, ki kur siñ yong ka kur Phawa wa Siangshai wa daw pynman yaka Dorbar Kur wa phra haka 27-01-2024, heipor 10:00 waje i step ha chnong Mutong, East Jaiñtia Hills District kamwa da leh man-u-snem.
Kamtæ ka seiñbei ka kur Phawa-Siangshai da khut da wer sñiawbha ko ya phi wow wan khnang cha kani ka yalang kawa hakhliehdooh yong ka kur, heiwa daw yoh phi u sñiaw wei u tip ya ki kaam wa i thmu yong ka Kur Phawa-Siangshai (Central Body).
Ka seiñ da khut da wer ko khamtam ya ki manbei wow chimkhia phi u yahlang wa ki khon ki kti, ki khon khynroo kiwa da puræ ha ki skur, ki College wa ha ki skurbah yow man ki kiwa chlur wow wan chakhmat ha ki kaam yong ka kur, yow man ki ki bru kiwa tip kur tip jait, kiwa tip bru tip Blai wei leh wow yarap ya ki wow tipmit uwi ya uwi hei lai luti yong ki, yow tip ki leh para kur khamtam ha ki chnong ki thaw yong ki kamjooh leh cha kiwi de ki chnong ki thaw wa em ki para kur yong ki.
Da kyrmen skem lyngba kani ka dorbar kur daw tip daw sñiaw phi yei thmu yong ka kur wow chakri neibynta ki para kur para jait, yow yaleh katwa ye yow lait naka sang ka maa, yow lait nei sih ha kani ka juk kawa katni. Ka kur kwah ko wow em i bha i miat wei wow em i chongsuk chong saaiñ ha ka kur hi waroh kawi.
Ha kani ka dorbar kur daw e khusnaam ya ki khon khynroo khyllood yong ka kur kiwa wan chakhmat hei puræ puthi wei daw pynkup burom leh ya kiwa da heh rta kiwa da tymmen yong ka kur. Daw em leh i rwai i chaad na yong ki para kur.
Discussion about this post