theme-sticky-logo-alt
theme-logo-alt

Daw pynman yaka Job Mela ha Jowai

Ka Deen Dayal Upadhyaya-Grameen Kaushalya Yojana (DDU-GKY) Meghalaya kawa em hapoh ka Ministry of Rural Development (MoRD) kawa e yarap ya ki khynroo khyllood wow chah hikai ha kiwa boon ki jait kreh kamjooh kawa pynyoh kreh, daw pynman ko ya ka Job Mela ha Jowai.

Kani ka Job Mela toh kawa chi sngi wei daw pynman haka 03-12-22 ha Bosco Pnar, Jowai nadooh 9:00 waje i step hadooh 4:30 noh chariñ ka sngi heiwa daw wan ki Company wa ki karkhana wa boon jait kam ka DeMandarin, Olive the Wellness Spa, Aditya Birla Fashion Retail Ltd, NEON MOBICOM, MINDA Industries, Pearl Global Industries, Barbeque Nation Hospitality wa kiwi kiwi de.

Ki kreh wa lait wa wan thooh kini ki Company toh kiwa da tam 800 tylli nadooh wow man kam ki Receptionist, Beauty & Spa Therapist, Fashion Assistant, Food & Beverage Associate, Telecom Tower Technician, Customer Service Executive wa kiwi kiwi.

Kiwa wan thooh kreh toh u pyndep ki ya ka Class-8 chaneiñ wei ki kreh wa lait toh ha kylleiñ ka ri India nadooh ha Mumbai, Goa, Shimla, Jaipur, Bengaluru, Guwahati, Shillong wa kiwi kiwi de.

Kamtæ da khut ya phi ki khynroo khyllood wow wan cha kani ka Job Mela yow tip ya ki laad ki luti wa wai yow yoh kreh.

Share this:
Previous

Da chim ka sorkar yei thaw wa heh 3952 sq.m ha Amlarem neibynta ka Sub-Fire Station

Next

Sñiawngooh ka BJP Kissan Morcha yei yarap u BDO Laskein yaki warep