Daw pynman yaka lympung wa 23 ka Seiñ Kyntu Sein Raij 12 Dalloi ha Muktapur

Jowai: Ka Seiñ Kyntu Seiñ Raij-12 Dalloi kamwa da jooh pynman man u snem, ha uni u snem leh la u snem deiwa ya krehlang wa ka Seiñ Raij Muktapur, da pyntip ko cha ki khon U Ynñiawtrep Ynñiawskum wa ka lympung wa 23 daw pynman haka 25 wa 26 tarik uni u bnai ha ka chnong Muktapur, War Jaiñtia, Elaka Satpator, nadooh i por 10:00 waje i step.

Kamtæ ka Seiñ Kyntu Seiñ Raij-12 Dalloi deilang waka Seiñ Raij Muktapur da khut sñiawbha ya phi ki khon U Ynñiawtrep Ynñiawskum wow pyllait por khnang wow yawan cha katai ka lympung.

Ha katai ka lympung daw yoh ya ki chaad tynre wa ki sneiñ ki kroo na ki bru waheh wa sian hei wow pynneh pynsah ya ka niam ka rukom wa ka dustur ka riti kawa da yoh pateiñ na u Blai Tre Kynrad.

Related posts

Daw pynman ya ka General Meeting ka Seiñkur Suchiang

January 31, 2026

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Ka seiñ da yooluti ko wa i wanlang daw pynphooh pynphieñ ko yaka lympung khnang wa ka niam ka rukom ka yong i u nang heh nang yaar ko na kawi ka pateiñ cha kawi.

I pyntip na u S. Sari, Publicity Secretary ka Seiñ Kyntu Seiñ Raij 12-Dalloi.