Daw pynman yalang u DC hei yatoh wa kiwa dai rood sarok

Jowai : U DC ka West Jaiñtia Hills da pyntip u wa ha uni u bnai daw pynman yalang u yow thooh laad u kyrriah thaw ya kiwa dai rood sarok, i kaam wa da sah tein kattu la chi snem heiwa kiwa dai ym ap ki yeiwa ong ki bor district yow chong ki cha ki thaw wa da chna ya ki.

Da ong leh wa daw khut lang wa kiwa chong dai rood sarok u emlang ki ha kani ka yalang yow yoh laad u phyllu yumut ya ka luti wow lai cha khmat.

Hei yatoh wa kam kiwa chong dai wa ki chah khrong dan hi ki lada chong dai ki cha sarok leh, u DC da ong u wa ym em wa ye u khrong dan ya kiwa chong dai ha rood sarok neibhah u sarok toh yong ka PWD.

Hei yoh u WYRTA u yaklam wa u wa yoh ka ka Khrong Dan u K. Nongtdu da ong u wa kiwa khrong dan khrong ki du na kiwa chim ya ki dukan (Stall) wa em ha Seiñraij Complex heiwa kini hi ki jooh chong dai ki harood sarok katwa ya ki dukan da pynman thaw booh tiar booh jhoor ki ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong u leh wa ya kiwa su dan da kyntu ya i pyrtuid yong ki ha ka Register wei ym em jooh e receipt ya ki neibhah ki toh kiwa da tipmit suda. Heijooh i por da ong u leh wa ye hi u man wa em i por wa bakla kiwa khrong dan da chim ki na kiwa ym em chim dukan leh na ka Seinraij neibhah kiwa chong dai man ki kiwa boon bha kiwa chong dai ha rood sarok.

U DC won da ong u leh wa ya kiwa dai rood sarok emkaam ki u pynpsiah pyrtuid (Register) wa ka Municipal yow ye ka aiñ u yada ya ki yow man ki kiwa dai wa da tipmit ka aiñ.

Ki dukan wa em ha seiñraij kamwa man katni man ki kiwa thylli wa kiwa ym em wa chong wei da man i i thaw lai ait lai jung.