U DC ka West Jaiñtia Hills District da pyntip u wa daw pynman yei chondur Aadhaar neibynta kiwa em Card Rachon (AAY wa PHH).
Da pyntip wa da leh yeini neidaw wa da emkaam ya u Aadhaar hawa pynkrehkaam ya ka One Nation Ration One Ration Card yow tipmit ya kiwa yoh myntoi namo ki NFSA beneficiaries (AAY & PHH) heiwa daw pynsakhiat yei man kam kiwa yoh myntoi lyngba ki kor e-Pos kiwa da pyndait ha ki dukan rachon (Fair Price Shop) heiwa daw ye wow yoh ya i bhah rachon yong ki lada em ki heiwon heiwon hapoh ka ri.
Kamtæ ka yung krehkaam u Deputy Commissioner wa ki Block Development Officer ki C&RD Block (Laskein/ Thadlaskein) da pynkhreh ki ya i chondur Aadhaar hapoh ka District yow e laad ya kiwa em Card Rachon wow thap pyrtuid hapoh u Aadhaar.
Ye leh wow lai chondor pyn ha ka yung krehkaam u DC kamjooh ha ki thaw kiwa daw pynbait.
U DC da paan u leh yei ya krehlang hapyrdi ki Waheh Chnong wa ki dukan Fair Price Shop Dealer heiyatoh wow thap pyrtuid hapoh u Aadhaar ya kiwa yoh myntoi.
