U Deputy Commissioner yong ka West Jaiñtia Hills District da pyntip u wa daw em ka “Special Vaccination Campaign” neibynta wow e tika yada COVID-19 ha ka 20 wa 21 tarik u December 2021 ha kini thaw ha wah:
| No | I thaw e tika | Ki chnong kiwa kynthup lang |
| 1. | Indoor Sports Hall | Ladthadlaboh Playground Area, Riatmulain |
| 2. | Community Hall, Caroline Colony | Caroline Colony |
| 3. | CNI School, lawthymmme | Tyndowapung, Ladthadlaboh Main Road |
| 4. | Jowai Public School, Ladthadlaboh | Moorlong, Lumpariat |
| 5. | Community Hall, Mookyrdup | Mookyrdup |
| 6. | Dongmihsngi Community Hall (East Wing) | Dongmihsngi, Salaroh |
| 7. | Govt. L. P. School, lawmusiang | Iawmusiang, Moosalyngkat, Lumsooiung, New Hill |
| 8. | Community Hall, Mynthong | Mynthong |
| 9. | Indoor Stadium Chutwakhu | Chutwakhu |
| 10. | Indoor Sport Hall | Khimmusniang |
| 11. | Presbyterian U P School | Mission Compound, Lumkyrwiang |
| 12. | Chiliangraij Govt. LP School | Chilliangraij, Umshangiar |
| 13. | Dulong Secondary School | Dulong |
| 14. | Community Hall Tpeppale | Tpeppale |
| 15. | Community Hall Panaliar | Panaliar |
| 16. | Seinraij LP School | Iongpiah, Lumiongkjam |
Kam wow pynkynmoo wa hadooh katni, ha ka District da em 6815 ngut kiwa da dep yoh ya u khñiang wei napyrdi kini da em 168 ngut kiwa da khlaad.
Katkam hadooh katni kiwa da yoh tika yei sien wa nyngkong namo ka 1st Dose da em ki du 48.1% katwa kiwa da yoh yei sien wa ar namo ka 2nd Dose da em ki du 33.9% hapoh ka District.
Ini da man i iwa duna bha yow ye u yoh yada paidbah yonglang kyllum (Heard Immunity). Wei katni da wai leh ya ki yaw ki haat, ki skur, ki yungmane, ki Fete wei da poi leh ka aiom Christmas wa u snem thymme, wei da man iwa emkaam wow lai chim tika COVID-19 khnang wa ym poor chooh chooh uni u khñiang khlam yow lait nei pynkrehkaam Lockdown hapoh ka District.
Ka sorkar India deilang waka sorkar Meghalaya, da e laad ko ya phi wow yada ya idæ lyngba kani ka tika. Wei ini i tika toh kawa bha wei ka wym em iyi iyi i sih hadien.
Kamtæ u Deputy Commissioner da kyrpaad u ya kiwa chong chnong ki wym pu dep wow e tika wow sñiawbha u wan chakhmat wow chim tika ha ka 20 wa 21 tarik uni u bnai ha ki thaw wa da kdaw haneiñ.
