theme-sticky-logo-alt
theme-logo-alt
Advertisement ad1

Hapoh chi bnai phah pynlait ka High Court ya ka bhah poisa ka JHADC

Heiyatoh waka mukotduma wa da yaleh ki wakreh ka JHADC neidaw wym yoh tulop de ki, da chong bichaar biang ya ka ynnin ka 15 da ka High Court ka Meghalaya heiwa neiliang ka sorkar lyngba u AG da kular u wa ya ka bhah wa toh u yoh na ka chnat Transport kawa da poi T. 2,75,27,598 da dep wow pynlait da ka chnat wei daw phah noh ya ka deiwa booh ya ka 17 tarik kam ka sngi wa khaddooh wow phah ya kani ka poisa.

U AG da pyntip u leh wa u Joint Secretary ka sorkar Meghalaya ka chnat Geology da thoh u cha u Director ka Mineral Resources wow pynlait ya ka poisa wa T. 48,18,11,649 cha ka JHADC iwa man leh kam ka bhah yong ka Royalty heiwa neiliang ka High Court da ban joor ko ha ka sorkar jylla wow leh smat ko yeini deiwa pyrkhat yei chitom kiwa yaleh mukotduma wei ini toh u leh hapoh chi bnai wow pynlait ya kani ka poisa wei lada ym leh yeini daw pynmih da ki hukum wa emkaam.

Ka High Court da e laad ko leh wow e jubab hajrong ini.

Ya ka mukotduma daw chong bichaar biang hadien wa kut ki sngi chuti.

Advertisement ad1
Share this:
Previous

Daw pynman yei e tika wa kyrpang ha Jowai

Next

Da pynkut noh ya i yakhih ka JHTOA hadien wa pdiang ki karkhana ya i dawa